ربي راجل

-A A +A
Image

ربي راجل
======
مفيش حاجة اسمها تعملى لابنك ضفاير ..الرجاله مش بتضفر شعرها حتى لو عاملاه عن مدام فلفت اللى خدت فى راس ابنك 400 جنيه.. احلقيله
- البونى تيل اللى عاملاه فى راس الواد ده مينفعش اسمها زعرورة على فكرة قولتلك احلقيله
- الشريط اللى بالعرض اللى على دماغ ابنك ده ما اسموش هيد باند و بقى رجالى اسمه توكه و الرجاله مش بتلبس توك ودى الواد يحلق
- الله يخرب بيت شعر ابنك اللى محيرك لو كان الشعر عزيز مكانش طلع لحب العزيز أعقلى بقى سيشوار ايه اللى بتعمليه للواد ..وديه يحلق جمعه و جمعه بعد الصلاه مع ابوة ربنا يهديكى
- خلصنا راسه ننزل على اللبس مفيش رجاله بتلبس ترتر و لا هدوم بجليتر دى مش شياكة خالص على فكرة
-مفيش حاجة اسمها تلبسيه غوايش مش علشان سموها حظاظة بقت تنفع لا هى غويشه برضه هاتيله ساعة احسن و ارجل
- مينفعش تكلمى ابنك و تقوليه روحى و تعالى و حبيبة ماما القطة ..ده بيعمل خطأ مفهومى عن العيال متحيريهوش هو ولد و لا بنت ده ما اسموش دلع دى اسمها وكسة
- ادى ابنك الفلوس يدفع فى المحلات و المواصلات و ياخد الباقى علشان يتعلم انه راجل
- عارفة لو شفتك بتحطى للولد زبده كاكاو فى شفايفه تانى هعمل فيكى ايه ؟؟؟ .. بلاش صباع الروج ده ابنك شفايفه مشققه حطى له جيل و لا فازلين اى حاجة بس مش تعوديه يمسك قلم روج هتندمى صدقينى
- ايه اللى جابلك الفكرة انك تحطى لابنك مانكيير و تلبسيه طرحة و تصوريه ؟؟ غلط غلط غلط بتحطى فى دماغة ان ده مقبول... مترجعيش تصوتى بعد كده
- لما تمشى فى الشارع مع ابنك اديله الكياس يشيلها و أنتى بتقوليه انت الراجل مينفعش اشيل طول ما انت موجود من غير ما تزودى الحمل اوى .. علميه انه هو المسئول من طفولته علشان لما يكبر يشيل عنك و عن اخته و عن مراتة
-لما تديه مصروف كل يوم قوليله هتجيب لاختك ايه و انت راجع .؟؟..علميه انه ماديا مسئول عن غيره خصوصا البنات
- كل ما تحطى أكل بصي له و قوليله عجبك ؟لو قال ايوة قوليله طيب ليه مقولتش تسلم ايدك يا ماما ؟؟ علشان تبقى عاده ..و لما ما يعجبوش علميه يقول شكرا على تعبك يا ماما بس انا بحب الحاجة الفلانيه اكتر ..علميه التقدير ليكى و لمراته من بعدك خليها تدعيلك
-لو تعبتى متخليهوش يلعب خليه جنبك و اطلبى منه يعمل اى حاجة علشان انتى تعبانة ..علشان يتعلم يحس بغيره
- خليه بيشيل طبقه و يعلق هدومه و يناولك حاجات ..خلى حديث خيركم خيركم لأهله قدام عنيكى
- بلاش الالوان البينك و الفوشيا و هو صغير أوى لما يكبر شويه عادى أصبرى علشان بس ارتباط الالوان دى بالبنات ..ساعات ده بيشتتهم
- الراجل المحترم طالع من بيت محترم زى ما هو مش صح أنك تقلبيه بنوته برضه مش المطلوب انك تقلبيه بلطجى خليكى وسط
- أنك تعلمى أبنك رسم و موسيقى عادى هيبقى راجل باذن الله ملوش علاقة ده
- الرجاله بتعيط مفيش حاجة اسمها بطل عياط انت راجل ,, اسمها انت قوى هى أكيد مش بتوجع أوى لان الرجاله بتتحمل و قويه ..
- مفيش راجل دلعه ساسو و ميمى و لولو .. نقى حاجة عدله الله يسترك
- الهدوم الداخليه خلقت لتكون داخليه مش علشان تبان لخلق الله زى ما ينفعش البانتى بتاع بنتك يبان برضه مينفعش بوكسر ابنك يبان عيييييييييييييييييييييييب
- على ذكر البوكسر بلاش المشجرين و اللى بقلوب وورد كبيرك سبونج بوب فى مرحله الانتقال من البامبرز للغيارات بعد كده ابييض عاااااااااادى علشان يتعلم النضافة
- متنسيش تحلقى له
ربوا رجاله أبوس ايديكم .. هما دول اللي جاي